Santiago gen yon sistèm transpò piblik ki rele Transantiago ki gen pakou nan tout komin nan kapital la ki ka konbine avèk Metro Santiago.
Pou itilize transpò piblik la ou dwe achte kat ki rele “Bip” la nan biwo ki nan nenpòt estasyon tren nan Metro Santiago oswa nan sant Bip yo nan komin kote w rete a, paske yo pap aksepte w peye ak lajan kach.
Tarif
Lè ou peye vwayaj ou ak kat Bit la ! Ou ka fè de (2) transbòde san w pa peye anplis pou sa . Ou ka fè l pandan (2) dezèdtan (120 minit), depi kòmansman premye voyaj la oubyen depi premye son Bip la! (Men se toujou nan menm sans (sans inik) lan ou ka fè sa, ou pa ka repete pakou yo). Sèlman yon sèl transbòde ou ka itilize nan tren an.
Tarif ki ba pri
Si w’ap vwayaje nan tren nan entèval lè sa yo 6:00 AM a 6:29 AM oubyen ant 8:45 PM a 11:00 PM, tikè ou ap koute ou $ 610 peso chilyen. Si aprè vwayaje nan tren an, nan menm lè a, ou vle pran bis (micro) tou, y’ap retire nan balans la pou yo ka konplete tarif sistèm ki se $640 peso chilyen.
Tarif “Valle”
Si w’ap vwayaje nan tren nan lè ‘’Valle”, sa vle di de lendi a vandredi de 6:30 AM a 6:59 AM, de 9:00 AM a 5:59 PM oswa de 8:00 PM a 8:44 PM, w’ap gen pou peye $ 660, samdi, dimanch ak jou ferye yo ladann tou. Si aprè vwayaje nan tren an, nan menm lè a, ou vle pran bis (micro) tou, yo p’ap gen pou peye anplis ($ 0). Tarif “Valle” tren sèlman $660 pesos e pou bis (micro) se sèlman $ 640 pesos.
Tarif Pik
Nan lè pik yo (kote gen anpil moun k’ap monte tren an), nan maten ant 7:00 a 8:59 epi nan aprèmidi ant 6:00 a 7:59, depi w pase kat BIP la w’ap peye $ 740.
Li enpòtan pou konnen ke pri tikè nan tren yo varye selon orè vwayaj la, poutan nan bis yo pri a rete san chanjman pandan tout jounen an.
Donk nan tren yo gen tarif ba pri ki se $ 610 , tarif nan lè “valle” ki se $ 660, e tarif nan lè pik yo ki se $ 740 .
Tarif pou Etidyan
Tarif pou elèv ki nan edikasyon segondè yo ak sila yo ki nan inivèsite yo se $ 210. Elèv yo kalifye pou menm benefis la nan entegrasyon tarif nòmal la , sa vle di yo ka fè jiska (2) de transbòde pandan 120 minit. Nan ka ke yo ta konbine voyaj yo ak tren nan lè pik yo, yo p’ap peye pyès kòb an plis. Yo ka jwi de benefis sa a 24 èdtan nan yon jou, 7 jou nan yon semèn pandan tout ane a.
Tarif Tigranmoun
Tarif espesyal pou tigranmoun yo nan tren yo se $ 210. Tarif sa aplike nan lè “Valle”, nan lè ba pri, nan lè pik pandan maksimòm (2) de vwayaj pa jou. Benefis sa a aplike sèlman pou tikè ke yo achte dirèkteman nan estasyon tren an. Pou jwi tarif sa fok ou gen 65 ane ou plis si w se gason ; ak 60 ane ou plis si w se fanm ; oswa ou gen pansyon, asirans medikal oubyen ou pran retrèt.
Sous: Ministerio de Transporte y Telecomunicaciones.