Kisa Kat Idantite pou Etranje a ye ?
Tout etranje ki gen plis pase (18) dizwit lane, ki ap viv nan peyi a, ki gen rezidans definitif oubyen ki gen kèlkeswa lòt tip viza, se yon obligasyon pou yo genyen Kat Idantite pou Etranje a nan espas trant (30) jou livrezon sètifika rezidans definitif oubyen depi lè yo kole viza sou paspò a.
Etranje minè ki gen (18) an yo ki gen yon tip de viza oswa yon rezidans definitif kapab mande yon Kat Idantite pou Etranje, se pa yon obligasyon. Men si l’ap fè l, li dwe fè sa nan espas 30 jou ki vini aprè dat ki ba li 18 an .
Yo pap bay etranje ki gen yon viza rezidan ofisyèl Kat Idantite pou Etranje. Sepandan, li ka jwenn li ak akonpayman otorizasyon “Dirección del Ceremonial y Protocolo del Ministerio de Relaciones Exteriores” nan sans sa. Yo pap bay moun ki gen yon kat touris oswa kat ekipaj (moun k’ap travay nan avyon) li nonplis.
Pwosesi pou kat idantite nan Chili
Imedyatman ou fin gen viza rezidans lan sou paspò w, ou dwe al fè kat idantite w nan Registro Civil. Men sa w dwe konnen:
- Fòk paspò pa ekspire
- Viza rezidans la nan la paspò a
Enpotan: Fotokopi premyè paj paspò a kote dwe byen klè ak san manke moso pou yo ka idantifye: Mèt paspò a ,kilè paspò te fèt ,kilè l ap ekspire ak ki tip viza li gen sou li, dat mèt paspò te antre nan peyi a (si se yon viza konsilè) ak tout kat rejis pou etranje a. Yon gwoup fanmiy ki rantre nan peyi a avèk mèt viza pèmanan , gen menm tip viza avek li ,li gen menm dat ekspirasyon tou.
Men ka espesyal yo:
- Si aplikan an kite lespas 30 jou pase pou mande kat la, li dwe jwenn ou byen cheche genyen yon pèmisyon espesyal nan depatman etranje ak imigrasyon Ministè Enteryè oswa nan gouvèman rejyonal , oswa prèv pinisyon ak sanksyon pou reta sa a.
- Si aplikan an gen yon pwofesyon inivèsite etranje, e li vle ekri sa nan kat idantite l la , premyèman li dwe valide tit li a la nan Inivèsite Chili (Universidad de Chile), oswa antre nan youn nan konvansyon ki fè rekonesans diplòm ak kèk peyi, ou ka jwenn tout enfomasyon ak kondisyon yo na men Ministè Afè Etranjè an. Yon fwa etap sa fèt, ou kapab enskri tit ou a nan Rejis Pwofesyonèl ki bay sèvis sa a. Se konsa, otomatikman epi chak fwa ou renouvle dokiman sa a, pwofesyon ou ap parèt sou kat idantite w la.
Delè pou kat idantite a :
- Kat idantite pou etranje yo, sa yo bay moun ki gen viza rezidan yo, li valid pou menm peryòd ak viza a, eksepte nan ka a moun ki gen rezidans definitif yo kote pa yo a ap dire (5) senk lane .
Dat limit pou jwenn kat idantite a nan ka se si premye fwa ou fè demand lan:
- Dat limit pou pwosesis yon premye aplikasyon pou kat idantite pou se 18 jou ouvrab (sa vle di jou nou travay yo : lendi ak vandredi)
II.-Renouvèlman kat idantite a
Lè dat ekspirasyon kat la rive, mèt kat la dwe premyèman chèche renouvle viza l , lè fin fè sa li ka aplike pou renouvle kat idantite a, l ap prezante menm tip dokiman yo li te prezante pou premye kat idantite a.
Etranje ki gen pèmi rezidans definitif yo dwe soumèt:
1. Si se premye fwa lap resevwa kat rezidans pèmanan:
- Orijinal ak kopi kat rezidans definitif ke Ministè Enteryè Ak Sekirite Piblik te ba li.
- Paspò a (menm si li ekspire) ak tout kopi premye paj paspò a.
- Sètifika valid ke Lapolis Envestigasyon Entènasyonal Chili te remèt li
2. Si l te deja renouvle kat idantite pou Rezidans Definitif la :
- Orijinal ak kopi kat rezidans definitif ke Ministè Enteryè Ak Sekirite Piblik te ba li.
- Paspò a (menm si li ekspire) ak tout kopi premye paj paspò a.
- Sètifika valid ke Lapolis Envestigasyon Entènasyonal Chili te remèt li
- Ak yon frè kat Idantite pou etranje ki se: $ 4.270.
Sous: Registro Civil