Nan peyi Chili, gen anpil kondisyon moun dwe respekte anvan w lwe yon kay. Kidonk nou vle gide w sou ki papye yo pral mande w ak ki egzijans y ap fè w anvan yo lwe w yon kay :
Lwe yon kay oubyen yon apatman nan Chili
- Kat idantite: Ou dwe gen yon fotokopi tou de (2) bò kat idantite ou yo. (Li kapab fotokopi paj paspò w tou).
- Fich salè (Liquidaciones de Sueldo) : Ou dwe bay twa (3) fich ki montre kòb yo te peye w nan travay ou an nan twa (3) dènye mwa yo , si ou pa ta genyen l, ou ka mande patron an li, oubyen moun ki responsab pou l peye w nan travay la.
- Aval: Yon aval se yon moun (garan) ki garanti sitiyasyon ekonomik lokatè a, si yon jou ou menm ki lokatè a pa peye lwaye a, se moun ki ba ou aval la , se li k’ap oblije peye. Garan an dwe prezante menm tip dokiman ak lokatè a, epi montre akreditasyon sitiyasyon ekonomik li.
-
Rapò DICOM: DICOM se yon rapò ki montre si w dwe oubyen si w pa dwe kòb, sa vle si w pa gen dèt (Kredi kay, kredi Machin, Kredi bank, kredi inivèsite,) ki eskpire.
Ou pa oblije bay li, men anpil mètkay konn mande l. Ou kapab mande rapò DICOM nan sou sit entènèt DICOM Equifax oswa Bilten Rapò komèsyal (Boletín de Informes Comerciales ), . Gen youn ki gratis, men li pa konplè ; gen youn lòt k ap koute w 14,999 CL ki gen tout enfòmasyon yo , w ap peye sou entènèt ak yon kat de kredi, oswa si w ap viv nan Santiago ou ka ale nan Metro Universidad de Chili pou fè demand lan. Klike sou lyen sa pou achte l : https://sec.equifax.cl/compraonline/ficha-producto/3/Informe-de-Arriendo-Dicom
Si w bezwen konnen si w bezwen sevis ak konsey kontakte T-Zen
- Sètifika travay ou: Se yon dokiman ke kote w travay la ba w, omwen ki gen ladann infòmasyon sou : Non kote w ap travay la , RUT konpayi an, tit travay la, konbyen kòb w ap touche, ak konbyen tan w te dire nan travay la oubyen si w kontinye ap travay toujou .
Si w ap travay poukont ou, ou dwe montre ki kantite kòb ou antre avèk yon fich /oswa yon relve kont bank.
- Sètifika Bòn vi ak mès (certificado antecedentes): yo konn mande sètifika Bòn vi ak mès, ki montre ke w pa yon vakabon oubyen ou pa t pran prizon pou move zafè.
Depo (deposito: se yon kòb ou depoze an avans kòm garanti, si yon jou ou pa ka peye mwa, y ap tou touche l . Si w ap kite kay avan lè, ou dwe anonse propriyetè sa pou l ka remèt depo a ou te fè a.
Kisa Dicom nan ye ?
Li se yon achiv ki gen enfòmasyon finansye ak komèsyal moun yo ak konpayi yo (dèt yo). Dokiman sa li aksesib piblikman
Ki dèt ki antre nan DICOM
Se tout dèt kredi ak garanti Leta, dèt sibvansyon, prè ipotèk ak nenpòt kredi yon bank oswa yon lòt enstitisyon finansye akòde w. Sa vle di, bwat konpansasyon, dèt taks, dèt kat kredi, elatriye.
Konsekans lè w nan DICOM
Kòm bank yo, enstitisyon finansye yo ak met kay yo epi biznis yo itilize dosye DICOM pou konprann konpòtman finansye ak kredi kliyan yo, sa pral defini lavi finansye ak komèsyal w, selon jan kredi w ye , ou ka apwouve oubyen pa apwouve yon kredi.