Achte kay ak sipò Leta
Pwogram Leta pou fanmi pwòp kay pa w, k ap viv nan sitiyasyon vilnerabilite sosyal.
Sipò Leta sa ap pèmèt moun sa yo ka achte yon kay nèf oubyen yon kay dezyèm men (kay oubyen apatman) nan vil yo oswa nan provens yo, san yo pa peye ipoteke kredi.
Men etap pou pase pou ka postile:(*) Kantite lajan sibvansyon sa yo ka varye an fonksyon de zòn jeyografik kote kay la ye a, nan ki kondisyon patikilye kay la ye ak nan ki kondisyon fanmi ki ap benefisye a a ap viv.
Men etap pou pase pou ka postile:
- Konnen pousantaj kalifikasyon sosyo-ekonomik Rejis Sosyal Kay (Registro Social de Hogares: RSH). Rejis Sosyal Kay la se yon sistèm enfòmasyon ki rive jwenn Leta pa mwayen kay ak òganis tankou Sèvis Enpo Entèn yo (Servicios de Impuestos Internos), Rejis Sivil (Registro Civil), Administratè Fon Revokasyon (Administradora del Fondo de Cesantía), Enstiti pou Sekirite Sosyal (Instituto de Previsión Social), Sirentandans de Kontwòl Isapre (Superintendencia Isapre), Ministè Edikasyon (Ministerio de Educación), avèk lòt ankò , se yon fason pou yo ka sipòte kandidati ak seleksyon benefisyè yo nan enstitisyon yo ak ajans Leta yo ki bay benefis ak benefis sosyal.
Pou sa, ou ka vizite sit sa www.registrosocial.gob.cl , rele nan nimewo sa 800 104 777 oswa pale ak yon responsab meri a .
• Chèche konsèy sou pwogram ministè a epi chache konnen ki dat aplikasyon yo lanse.
• Louvri yon kont epay pou kay pou depoze kòb sou li.
• Rezève davans yon jou ak yon kote pou ka ale dirèkteman (prezans ou enpòtan) pou aplike, fè resèvasyon sou sit sa www.minvu.cl oubyen rele MINVU Alo.
• Pwosesis aplikasyon an ka fèt sou entènèt oswa an pèsòn nan Biwo Atansyon Pèsonèlman Serviu a (Oficinas de Atención Presencial) oswa nan biwo Leta ki fèt pou sa.
Kijan yo finanse w pou achte yon kay?
KRITÈ JENERAL pouu aplike
• Fok gen omwen 18 an.
• Fòk gen yon kat idantite nasyonal ki pa eskpire. Moun ki etranje yo dwe bay, anplis de sa, yon sètifika rezidans pèmanan (Certificado de Permanencia Definitiva)
• Fòk ou fè pati de 40% moun ki gen mwens resous yo , tou depann de kalificasyon sosyo-ekonomik ke yo etabli nan Rejis Sosyal Kay (Registro Social de Hogares, RSH) *.
• Fè ekonomi minimòm yo egzije a sou kont epay pou kay la, sou non moun ki aplike a, li sipoze 10 UF, pita ki se denye jou ouvrab la nan mwa ki anvan dat aplikasyon an.
• Enskri nan RSH la an gwoup de fanmi. Moun ki k ap viv pou kont yo, pa ka aplike (Yon fanmi ki gen yon sèl moun), eksepte moun ki andikape yo (ke COMPIN rekonèt), granmoun yo, moun ki gen kalite endijèn yo , moun ki rekonèt nan rapò Valech lan ak madanm ki gen mari yo mouri oubyen mari ki gen madanm yo mouri.
* Moun ki aplike yo nan yon pwogram kay pou ane 2014 oswa 2015, ka fè l ankò nan 2016 avèk kalifikasyon (pwen) ki endike nan enstriman sosyo-ekonomik ki te valid nan dènye aplikasyon ou te fè an .
Konbyen pwen ou te gen anvan?
• Fòk ou te fè 8,500 pwen pou pwoblèm kay (carencia habitacional) selon dosye Pwoteksyon Sosyal (FPS)ki valid.( Protección Social (FPS))
• Sistèm nan pral reflete otomatikman enfòmasyon ki pi favorab pou aplikan an.
• Fanmi ki pa t aplike nan 2014 ak 2015, kapab sèvi ak Rejis Sosyal Kay (RSH) e pa bliye kondisyon an se fè pati de moun ki gen Kalifikasyon Sosyo-ekonomik yo nan 40% ki pi vilnerab yo ( pôv) .
• Enfòmasyon sou gwoup fanmi an ak sou kay la y ap jwenn yo nan RSH,pou yo kalkile evalyasyon sosyo ekonomik ki pral pèmèt yo seleksyone aplikan yo.
Sous: Ministerio de Vivienda y Urbanismo)