⚠️Atansyon migran ak moun k ap chèche azil nan depi peyi Chili pou antre Etazini #papranrisk #NoTeArriesgues
ATANSYON MIGRAN AK MOUN K AP CHÈCHE AZIL NAN PEYI MEKSIK YO
Enfòmasyon ou dwe konnen sou chanjman nan politik imigrasyon peyi Etazini
- Apati 11 Me a minui, politik Tit 42 a pral fini, men otorite Ameriken yo pral trete epi depòte byen rapid tout imigran oswa moun k ap chèche azil yo ki rive yon fason ilegal sou fwontyè ameriken an.
- Sèl fason pou antre Ozetazini se atravè yon wout legal. Sèvi ak CBPOne pou pran yon randevou nan yon pò antre tèrès.
- Gouvènman ameriken an ap ogmante kantite randevou yo epi pote amelyorasyon nan aplikasyon an.
Si ou antre yon fason ilegal, sa ka gen konsekans grav :
- Yo pral mete ou nan pwosesis pou yo depòte ou selon Tit 8 la epi y ap depòte ou sou kèk jou. Ou p ap kapab retounen Ozetazini pou omwen senk (5) lane.
- Si ou pa antre yon fason legal, ou p ap kapab aplike pou azil, sof si yo fè yon eksepsyon.
Enpòtan!
Etazini ap ranfòse efò li yo pou fè respekte lalwa sou fwontyè a, e si ou pa pran wout legal yo wap fè fas ak konsekans yo. Pran desizyon ki entelijan an epi chwazi wout legal la.
Pa kwè nan moun yo rele pasè yo k ap di w:
- Li fasil pou antre Ozetazini yon fason ilegal.
- Fen Tit 42 = yon fwontyè ouvè
- Ou ka antre Ozetazini san w pa chwazi yon wout legal
Sa w pou konnen:
- Ou dwe itilize yon wout legal pou antre Ozetazini
- Randevou CBPOne yo se yon fason ki san danje epi gratis pou w aplike pou antre Ozetazini
- Koyòt yo se kriminèl e yo mete lavi w an danje pou fè lajan. Lè w kwè nan sa yo di w yo, wap mete lavi w ak lavi fanmi w an danje seryezman.
Sous Anbasad Etazini nan Potoprens
Tit 42 a vs Tit 8 la
Òdonans Sante Piblik Tit 42 a :
- Y ap ekspilse kèk nasyonalite soti Etazini al nan peyi Meksik, oswa soti Etazini pou al nan peyi orijin yo san okenn konsekans pou imigre a lavni.
Aplikasyon Tit 8 la :
- Y ap plase w nan pwosesis imigrasyon pou depòtasyon.
- Y ap depòte w soti Etazini al nan peyi Meksik oswa nan peyi orijin ou.
- Y ap mete entèdiksyon pou w tounen antre nan peyi Etazini pou pi piti 5 lane si yo depòte w.
- Y ap angaje pouswit kriminèl kont ou si w tounen antre Ozetazini aprè yo te depòte w.
Anba Tit 8, moun ak fanmi ki rive san otorizasyon yo pral sijè a depòtasyon epi etranje yo ka retounen nan peyi orijin yo. Pa mete lavi w an danje lè w fè yon vwayaj danjere sèlman pou yo voye w tounen. ( Sa vle di si w se Ayisyen ki t ap viv Chili, Brezil Oswa Meksik ak rezidans, si tonbe anba Tit 8 y ap depote direk Ayiti; sofsi ou ta gen nasyonalite peyi kote w soti y ap depote w nan peyi sa.